Ndërlidhjet

Qeveria miratoi projekt-buxhetin për vitin 2017


Qeveria e Kosovës

Qeveria e Kosovës

Qeveria e Kosovës ka miratuar Projektligjin për Buxhetin e vitit 2017. Buxheti i Kosovës për vitin e ardhshëm u tha se do të jetë 2 miliardë euro.

Kryeministri Isa Mustafa tha në mbledhjen e Qeverisë së Kosovës se pjesa më e madhe e buxhetit gjenerohet nga të hyrat fiskale.

“Ky është buxhet zhvillimor, buxhet rreth 2 miliardë euro. Pjesa më e madhe e të hyrave gjenerohet nga te hyrat fiskale dhe jo fiskale”, tha Mustafa.

Kurse, Ministri i Financave, Avdullah Hoti, siguroi se Projektligji që kaloi në Qeveri është i hartuar në pajtim me Fondin Monetar Ndërkombëtar dhe pritet që të ndikojë në rritjen ekonomike mbi 4 për qind në vitin e ardhshëm.

Tani, procedurat kërkojnë që Projektligji t’i dorëzohet Kuvendit të Kosovës, ku pas shqyrtimit nëpër komisionet përkatëse, pritet të vihet për miratim, para datës 20 dhjetor të këtij viti.

XS
SM
MD
LG