Ndërlidhjet

Sheshi në Moskë “riparohet” pas protestave


Sheshi Pushin në Moskë
Sheshi Pushin në Moskë

Autoritetet në Moskë kanë vënë rrethoja përgjatë Sheshit Pushkin, dy ditë pasi mijëra njerëz protestuan aty kundër korrupsionit.

Sot Sheshi Pushkin është bllokuar nga rrethoja të metalta.

Një njoftim i vendosur në rrethoja thoshte se sheshi është bllokuar për riparimin e monumentit të poetit rus, Aleksandr Pushkin, që gjendet në mes të sheshit.

Riparimet thuhet se do të kryhen në periudhën prill-shtator, pasi autoritetet e qytetit të Moskës, kishin nënshkruar një kontrat për një gjë të tillë më 13 maj të 2016-ës.

Mijëra njerëz u mblodhën në Sheshin Pushkin dhe në zonat përreth më 26 mars në protestën anti-qeveritare që kishte në fokus akuzat për korrupsion të zyrtarëve të lartë të shtetit.

Policia ruse arrestoi qindra persona, përfshirë Aleksei Navalny, aktivistin kundër korrupsionit, njëherësh lideri opozitar, i cili qëndron prapa protestave, që u organizuar në pothuajse 100 qytete në mbarë Rusinë.

XS
SM
MD
LG