Drejtori i shërbimeve të zbulimit të Shteteve të Bashkuara, Mike McConnell, tha se Rusia ka ecur prapa në progresin e saj demokratik. Këto komente ai i bëri në një komitet të Senatit amerikan. Zoti McConnell tha se në Rusi kishte "më tepër përgatitje për ta kontrolluar procesin, popullin dhe partitë politike deri në atë pikë që të zgjedhet lideri i ardhshëm i Rusisë". Vitin e ardhshëm presidentit aktual Vlladimir Putin i kalon edhe mandati i dytë dhe i fundit kushtetues.
