Ambasadori amerikan në Serbi, Cameron Munter, ka deklaruar se zgjidhja e negociuar për Kosovën do të ishte më e mira, por, në të kundërtën, njëri opsion mbetet plani i Ahtisaarit për pavarësi të mbikëqyrur, transmeton shtypi beogradas. "Nëse Beogradi dhe Prishtina do të arrinin ndonjë marrëveshje, ndoshta edhe në Nju Jork, ne atë do ta mbështesim", tha ambasadori Munter dhe shtoi se "zgjidhja jonë e preferuar është plani i Ahtisaarit, ndonëse më shumë do të donim që palët të merren vesh".
