Pala kosovare nuk pajtohet me kërkesën që në bisedimet e ardhshme të hapet pakoja e Martti Ahtisaarit, ka deklaruar presidenti i Kosovës, Fatmir Sejdiu. Prishtina do të bisedojë vetëm për çështjet e prezantuara në takimet në Nju Jork e Bruksel dhe nuk do të pranojë asnjë lloj kompromisi rreth pavarësisë së Kosovës, ka thënë Sejdiu, duke komentuar paralajmërimet që vijnë nga Treshja ndërmjetësuese, për mundësinë që në takimin e Vjenës të bisedohet edhe për zgjidhjet që janë dhënë në propozimin e Ahtisaarit.
