PRISHTINË

Kryeministri në largim Agim Çeku ka thënë sot se qeveria që ai ka drejtuar e ka bërë gati Kosovën për pavarësi. Në një konferencë për gazetarë në fund të mandatit të qeverisë, kryeministri Çeku ka përmendur të arriturat e qeverisë, ku theks të veçantë i ka kushtuar procesit të statusit dhe stabilitetit të brendshëm, gjë që sipas tij ka bërë që të mos shmanget fokusi i bashkësisë ndërkombëtare nga statusi.
Ndërkaq, ndër të metat dhe sfidat, kryeministri në largim ka përmendur mungesën e pushtetit të plotë mbi të gjithë ministrat, mangësitë në sistemin e drejtësisë, lufta jo e mjaftueshme kundër korrupsionit, si dhe pamundësia e shtrirjes së pushtetit edhe ne veriun e Kosovës.