"Posa mësova lajmin e dhembshëm se presidenti Ibrahim Rugova ka vdekur. Dëshiroj ti shprehë ngushëllimet e mia të thella për familjen e tij dhe për popullin e Kosovës", tha në një konferencë për gazetarë në Helsinki, Marti Ahtisari, i dërguari i posaçëm i Kombeve të Bashkuara për procesin e negociatave për statusin e Kosovës. Ai tha se s"shpreson se procesi i negociatave do të vazhdoj". Zoti Ahtisari ka thënë se "bisedimet ndërmjet delegacioneve të Kosovës dhe të Serbisë të parapara për të mërkurën e ardhsme në Vjenë do të shtyhen përkohësisht".
