Komisioni Evropian i ka autorizuar Francën dhe Holandën që të mbikqyrin fushatën e vaksinimit nëpër ferma, si masë për të penguar përhapjen e gripit të shpezëve. Ky hap pasoi thirrjet e presidentit francez, Jacques Chirac, drejtuar qeverisë, që ta zbusë frikën e konsumatorëve nga sëmundja e gripit. Shitja e produkteve të shpezëve në Francë ka rënë për 30 përqind nga java e kaluar.
