Qeveria e Irakut sot ka kritikuar presidentin e Egjiptit, Hosni Mubarak për komentet e tij se Iraku pothuajse është në teh të luftës civile dhe se popullata shumicë shiite e këtij vendi është nën ndikimin e Iranit. Kryeministri irakian, Ibrahim al-Jaafari tha se komentet e presidentit Mubarak kanë shqetësuar popullin e Irakut dhe se fjalori i tij ishte "i çuditshëm" dhe se qeveria e Irakut ishte "e pakënaqur".
