Klinton: Vendimi i Izraelit është sinjal thellësisht negativ 

Sekretarja amerikane e Shtetit, Hillari Klinton e ka kritikuar sot kryeministrin e Izraelit Benjamin Netanjahu, duke thënë se shpallja rreth ndërtimit të vendbanimeve të reja ishte një "sinjal thellësisht negativ" rreth qasjes izraelite ndaj marrëdhënieve me Shtetet e Bashkuara.

Zëdhënësi i Departamentit të Shtetit, Filip Krouli njoftoi se Klinton i ka telefonuar Netanjahut, dhe ka thënë se planet e Iuraelit për ndërtimin e 1.600 shtëpieve të reja në territoret e pushtuara në Bregun Perëndimor, të cilat ia ka bashkangjitur Jerusalemit "e kanë minuar besimin dhe bindjen në procesin e paqes".