E dielë, prill 20, 2014 Kosova 22:56

Aktuale

Lëmshi rreth CEFTA-s

Qeveria e Kosovës duket se ende s'e ka të qartë se si të zgjidhë çështjen e bllokadës, bërë mallrave kosovare nga Serbia e Bosnja. Zyrtarë ndërkombëtarë thonë se problemi duhet zgjidhur mes Kosovës e CEFTA-s.

CEFTA, vendet anëtareCEFTA, vendet anëtare
x
CEFTA, vendet anëtare
CEFTA, vendet anëtare
Madhësia e shkronjave - +


Përfaqësuesit e Komisionit Evropian në Kosovë thonë se Kosova duhet t’i ndjekë procedurat e parashikuara me Marrëveshjen për Tregti të Lirë për Evropën Qendrore, CEFTA, për të zgjidhur çështjen e bllokadës - bërë produkteve kosovare nga Serbia dhe Bosnjë e Hercegovina.

Që nga data 3 dhjetor e vitit 2008, këto vende kanë bllokuar kalimin e produkteve kosovare përmes territorit të tyre, për shkak të ndërrimit të vulës së misionit të Kombeve të Bashkuara në Kosovë me atë të Republikës së Kosovës.

Shefi i Zyrës Ndërlidhëse të Komisionit Evropian në Kosovë, Renzo Daviddi, thotë për Radion Evropa e Lirë se është përgjegjësi e shteteve të përfshira në këtë çështje të zgjidhin "mosmarrëveshjen tregtare", siç e quan ai, përmes mekanizmave adekuatë të CEFTA-s.

"CEFTA është një marrëveshje dhe të gjitha shtetet që i përmendët, duke përfshirë Kosovën, janë nënshkruese të marrëveshjes. CEFTA lejon trajtimin favorizues për produktet ndërmjet shteteve anëtare dhe nënshkruese të saj. Tani, Serbia nuk njeh disa mallra që janë me origjinë nga Kosova, pra nga një shtet anëtar i CEFTA-s, andaj dhe nuk po lejon që transporti të bëhet përmes territorit të saj. CEFTA është një marrëveshje ndërmjet shteteve, kështu që shtetet duhet t'u drejtohen mekanizmave të arbitrimit për të sqaruar këtë mosmarrëveshje tregtare", thotë Daviddi.

Lidhur me mundësinë e përfshirjes së faktorit ndërkombëtar në Kosovë në zgjidhjen e kësaj çështjeje, Përfaqësuesi Special i Bashkimit Evropian në Kosovë, Pieter Feith, në një intervistë të mëhershme dhënë radios, kishte thënë se "kjo çështje po e brengos Komisionin Evropian".

Por, shefi i zyrës Ndërlidhëse të Komisionit Evropian në Kosovë, Daviddi, thotë se institucioni të cilin ai e përfaqëson, nuk është i përfshirë në këtë proces.

"Komisioni Evropian nuk është nënshkrues i marrëveshjes së CEFTA-s dhe shtetet anëtare të Bashkimit Evropian nuk janë nënshkruese të kësaj marrëveshjeje", konsideron Daviddi, duke sqaruar se punët e Komisionit Evropian në Kosovë kanë të bëjnë me përafrimin e Republikës drejt BE-së, menaxhimin e asistencës financiare për Kosovën që kap shumën prej 500 milionë eurosh dhe çështje të tjera të nivelit ekonomik dhe politik.

Qeveria e Kosovës e kishte adresuar problemin te sekretariati i CEFTA-s, mirëpo në përgjigjen e marrë nga ky mekanizëm, bllokada që Qeveria serbe dhe ajo e Bosnjë Hercegovinës u kanë bërë produkteve me origjinë nga Kosova, ishte vlerësuar si problem politik.

Zyrtarët qeveritarë hezituan të prononcohen në lidhje me hapat e ardhshëm që do të marrë Kosova në këtë drejtim, mirëpo njoftuan se më 9 janar ekzekutivi kosovar i ka bërë një kërkesë ministrit të Ekonomisë të Malit të Zi, si kryesues aktual i CEFTA-s, për thirrjen e Komitetit të përbashkët të CEFTA-s.

Në përgjigjen e marrë nga ministri malazez i Ekonomisë për këtë kërkesë, sipas zyrtarëve, thuhej se nuk mund të thirret mbledhja e Komitetit të përbashkët të CEFTA-s për të diskutuar bllokimin e mallrave kosovare nga Serbia dhe Bosnja, për shkak se, siç thuhet në dokument, nënshkruese e marrëveshjes është administrata e Kombeve të Bashkuara.

UNMIK-u, ndërkaq, vlerëson se e tërë kjo çështje duhet të zgjidhet në mes të Qeverisë së Kosovës dhe CEFTA-s. Zëdhënësi i UNMIK-ut, Alexander Ivanko, sqaron:

"Kjo varet nga CEFTA, sepse aktualisht CEFTA pranon delegacionet kosovare vetëm me prani të përfaqësuesve të UNMIK-ut. Është fakt se UNMIK-u ka nënshkruar marrëveshjen, por kjo ka ndodhur kur UNMIK-u po administronte Kosovën. Qeveria e Kosovës duhet të negociojë me CEFTA-n në mënyrë të drejtpërdrejtë. Por, marrë parasysh faktin që Serbia është anëtare e CEFTA-s, si organizatë që vepron sipas konsensusit, kam përshtypjen se mund të ketë vështirësi", u shpreh Ivanko.
Ky forum është mbyllur
Radhitja e komenteve
Komentet
     
Nga : dardan Prej : stockholm
09.02.2009 19:32
Lemshi qendron tek vetedija kombetare e Biznesmeneve Kosovare .Me nderime nga Suedia

Nga : amiri Prej : kosove
09.02.2009 14:03
Fitorja politike qe eshte festuar me rastin e pranimit ne CEFTA paska qene jo e kalkuluar mire.Kosova me potencialin e vet ekonomik dhe politik qe e ka nuk ka qene e nevojshme te nenshkruaj diqka te tille.Me kete vetem se ju eshte hapur porta e madhe mallrave nga serbia.

Nga : nazi Prej : prishtine
08.02.2009 16:59
NUK KAM FARE KOMENT PO VETM SE QUDITEMI SE SI I LEJOJMI KETA UNMIKASAT QE PRAP TE LOZIN ME NE SIKUR TE JEMI KUKULLA KUR TE JU BJEN MIRE THON NE JEMI KETU PER TU NDIHMUAR JUVE NE DISA QESHTJE TEMIKE E QFAR QESHTJE JU DUKET KJO QESHTJA E BLLOKIMIT TE MALLRAVE TE KOSOVES NGA BOSNJA QE KURR SI JA FALIM GJAKUN E BIJVE EBIJAVE TONA QE E DHAN PER BOSNJEN E SA I PERKET SERBISE NUK KEMI QKA TE QUDITEMI PO EDHE NE ATYNE BLLOKADE SE AJO NGA KOSOVA NE VIT FITON NE SHITJEN E MALLTRAVE TE SAJA NE KOSOVE ME SE 500 MILON E MA TEPER EURO. SA MA SHPEJT UNMIKUT DUHET TI SHKURTOHEN TE GJITHA TE DREJTAT E FLM PER QKA KAN BA MIRE E JO MIRE PO ATA E KAN KRYE PUNEN SI KAN DASHT VETE PA NE VET KURR
.TUNG

Nga : AGO Prej : AT
07.02.2009 11:30
Shteti yne ka shume obligime te tjera per ti kryer !!!.Por kete problem duhet ta kryejm ne vet populli te jemi krah shtetit ton;Pse ne i lejojm serbise te luan ai si te don!ne vet tregetaret kosovar duhet ta blokojm te mos i konsumojm mallrat e serbise.kjo kishte me qen nje zgjidhje me e lehte per Kosoven:ANDAJ NUK NA NEVOITET NDERMJETSUS PER KET PROBLEM,ne jei ata qe e zgjidhim problemin...ju falenderoj per mire kuptm.

Nga : Bekim
06.02.2009 21:44
Kjo gje zgjedhet shume lehte,Kosova duhet te dale nga CEFTA.

Nga : Kreka
06.02.2009 21:15
Ky eshte realiteti njerzit qe din dhe e jane te aft nuk kan pushtet;E na qeverisin njerzit "shum te menqur"

Nga : ska emer Prej : ferizaj
06.02.2009 19:59
po kjo sdo shum koment leta bllokon edhe kosova apo autoritetet kosovare qarkullimin e mallrave te ketyre dy vendeme me ndonje urdheres administrative dhe do e shofin menjeher se si serbia po edhe bosna e hercegovina qe eshte vu ne sherbim te nje politike ende shoveniste ne ballkan do bejne qarkullimin e mallit shum shpejt sepse kjo eshte e vetmja menyre per te ven ne kontrolle kete situat pa nderhyrjen e ceftas

Nga : visari Prej : gjermani
06.02.2009 18:20
Mendimi im esht se te Bllokohen meniher Mallrat se vin nga Serbija Bosnja.H.
para disa ditesh kam Lexuar nje Revist te ket then Ministri i Ekonomis te B.H. se nese Kosova i Bllokon mallrat se vin nga Bosnja do te ken shum Probleme me Ekonomin dhe si e shifni edhe vet ekonomia globale momentalisht esht jo aq e mir e me ne fund te shofim se kush ka probleme a Serbia me Bosnjen qe importojn 90% te mallrave ne kosov a kosova se mundon vetem 10% te importoj flm.