E hënë, korrik 14, 2014 Kosova 11:48

Bota

Arrestohet Xhorxh Klluni

RFE /RL
Arrestohet Xhorxh Klluni i
|| 0:00:00
...
 
🔇
X
16.03.2012
Aktori Xhorxh Klluni është arrestuar në protestat para Ambasadës së Sudanit në Uashington.Klluni dhe disa të tjerë, përfshirë edhe babanë e aktorit, janë duke protestuar kundër bllokadës së qeverisë sudaneze për ndihma humanitare. Video AP
Video AP

Aktori Xhorxh Klluni është arrestuar në protestat para Ambasadës së Sudanit në Uashington dhe me pranga në duar është dërguar në polici, për t’u marrë në pyetje.

Ai është liruar nga autoritetet e rendit pasi ka paguar gjobën në vlerë prej 100 dollarësh.

Përveç yllit të Hollivudit, policia ka arrestuar edhe tre protestues të tjerë “pas tre paralajmërimeve verbale për t’u larguar nga ambasada”, shkruajnë mediat amerikane.

Klluni dhe grupi i aktivistëve akuzojnë presidentin sudanez, Omar al-Bashir, se ka shkaktuar krizë humanitare, duke ndaluar shpërndarjen e ndihmave në zonën e malit Nuba, në kufi me Sudanin Jugor.

Klluni u ka thënë gazetarëve se do që të tërheqë sa më shumë vëmendjen e opinionit publik, me synim që populli i Sudanit të ndihmohet sa më parë.

“Nëse në 3-4 muajt e ardhshëm nuk ndërmarrim hapa vërtet seriozë, do të kemi katastrofë të vërtetë humanitare”, ka thënë Klluni, i cili në protesta ka qenë i shoqëruar nga babai i tij dhe disa kongresistë amerikanë.

Aktori i Hollivudit, javën e kaluar, ka vizituar rajonin jostabil ndërmjet Sudanit dhe Sudanit Jugor, ku ka biseduar me banorët lokalë. Këta të fundit kanë thënë se janë të detyruar të fshihen në shpella për t’u mbrojtur nga sulmet ajrore të ushtrisë sudaneze.(v.t.)