E dielë, maj 24, 2015 Kosova 07:05

Kronika

Synimet e Prishtinës nga dialogu i ardhshëm me Beogradin

Hashim Thaçi, Catherine Ashton dhe Ivica Daçiq.
Hashim Thaçi, Catherine Ashton dhe Ivica Daçiq.
RFE /RL
Kryeministri i Kosovës, Hashim Thaçi, është takuar sot me disa nga liderët e partive politike në Kosovë.

Ky takim është zhvilluar vetëm pak ditë para 17 janarit, kur kyeministri kosovar pritet të udhëtojë për në Bruksel, në takimin e radhës me kryeministrin serb, Ivica Daciq.

Në një njoftim bëhet e ditur se Qeveria e Republikës së Kosovës, në pajtim me “Rezolutën e Kuvendit të Republikës së Kosovës, për Normalizimin e Marrëdhënieve në mes të Republikës së Kosovës dhe Republikës së Serbisë, me lehtësimin e baroneshës Catherine Ashton, përfaqësuese e Lartë e Bashkimit Evropian dhe mbështetjen e fuqishme të Qeverise së SHBA-ve, që prej 19 tetorit (2012) në Bruksel, po zhvillon bisedimet me Qeverinë e Republikës së Serbisë”.

Në komunikatë, Qeveria bën të ditur se në takimin e radhës nuk do të bisedojë, mes tjerash, për statusin e Kosovës apo pavarësinë e saj, tërësinë territoriale dhe organizimin e brendshëm.

Synimet nga ky dialog, sipas komunikatës, janë mes tjerash fuqizimi i  strukturave qeverisëse në veri të Kosovës, zhbërja e strukturave të sigurisë së Serbisë prej andej, mbajtja e zgjedhjeve të lira, krijimi i komunës së Mitrovicës veriore dhe arritja e marrëveshjes ndërkombëtarisht obligative për normalizimin e marrëdhënieve në mes të Republikës së Kosovës dhe Republikës së Serbisë, e cila do të garantohej prej BE-së, SHBA-së dhe shteteve të Quintit.

Takimi i radhës ndërmjet dy kryeministrave, Thaçi dhe Daçiq, mbahet pas një mori zhvillimesh politike nga pala serbe.

Njëra ndër to është edhe miratimi i një Rezolute për Kosovën nga Parlamenti i Serbisë, që paraqet një plan se si do të jetë qasja serbe ndaj Kosovës.

Ndërkohë, përfaqësues institucionalë në Kosovë, këtë rezolutë e kanë cilësuar si të parealizueshme dhe si një veprim politik, i cili do të përdoret vetëm për konsum brenda shtetit serb.(sh.o.)
Ky forum është mbyllur
Komentet
     
Nuk ka komente në këtë forum

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.