E mërkurë, prill 23, 2014 Kosova 18:58

Kronika

Fondi i integrimit apo i autonomisë?

Veri...
Veri...

Artikujt e ndërlidhur

S'ka zbatim pa shuarjen e strukturave paralele

Sipas analistëve politik dhe ekspertëve të sigurisë në Kosovë, bllokadat e rrugëve dëshmojnë se nuk mund të zbatohen marrëveshjet Kosovë – Serbi pa shuarjen e strukturave që Beogradi ka ngritur në pjesën veriore.
Madhësia e shkronjave - +
Partitë opozitare do t’i kërkojnë kryeministrit Hashim Thaçi më shumë transparencë në lidhje me krijimin e fondit zhvillimor për komunat veriore të Kosovës.

Ky fond, paraqet një nga produktet e dialogut Kosovë – Serbi në nivel të kryeministrave që po ndërmjetësohet nga Bashkimi Evropian.

Krijimi i fondit është paraparë si një mundësi që të ketë një transparencë në lidhje me mjetet që derdhën për zhvillimin e komunave veriore të banuara me shumicë serbe, të cilat funksionojnë paralelisht dhe jashtë sistemit juridik e kushtetues të Kosovës dhe mbi bazën e ligjeve të Serbisë.

Opozita në Prishtinë është unike vetëm në lidhje me kërkesën për transparencë rreth fondit, por jo edhe për efektet politike të tij.

Lidhja Demokratike e Kosovës dhe Aleanca për Ardhmërinë e Kosovës nuk shohin elemente që ky fond po i hap rrugën autonomisë për veriun, përderisa Lëvizja Vetëvendosje beson se me buxhetin e ndarë, veriu po shkon drejt statusit autonom.

Shefi i Grupit Parlamentar të Lidhjes Demokratike të Kosovës, Ismet Beqiri i tha Radios Evropa e Lirë se në seancën e kësaj të enjte kur edhe do të diskutohet për dialogun Kosovë – Serbi, LDK do të kërkojë që kryeministri dhe qeveria të jenë sa më transparente në lidhje me dialogun dhe marrëveshjet që po arrihen me Serbinë.

Krijimi i një fondi të tillë në asnjë mënyrë nuk duhet të rrezikoj, nëse mund të themi ashtu, sovranitetin dhe tërësinë e vendit. Po ashtu, ky proces nuk guxon të shkoj drejt një zhvillimi që do të ishte në kundërshtim me aktin më të lartë kushtetues. Pra ne do të kërkojmë informacione dhe konform atyre që do t’i marrim si përgjigje, do ta themi mendimin tonë në Kuvend”, ka thënë Beqiri.

Ndërkaq, Lëvizja Vetëvendosje gjatë një konference për gazetarë vlerësoi se marrëveshja për Fondin e zhvillimit të veriut paraqet hapin drejt autonomisë së kësaj pjese të banuar me shumicë serbe.

Fondi zhvillimor, sipas Vetëvendosje, paraqet fond ndarës pasi që po e ndanë buxhetin e Kosovës.

Shpend Ahmeti, nënkryetar i Vetëvendosjes tha se përveç ndarjes funksionale ky fond promovon edhe ndarjen territoriale të Kosovës.

Fondi me motiv etnik dhe i territorializuar shpalos pikëpamjen dhe planin për një entitet autonom. Financat e ndara janë baza e autonomisë. Nuk bëhet fjalë pra, për decentralizim të financave, por ndarje të financave. Këtu grupe jashtëkushtetuese, dhe joformale fitojnë fuqi ekskluzive për një pjesë të të hyrave, ndërsa i merren fuqi kushtetuese kuvendit. Kur vendoset themeli i autonomisë, muret janë vetëm çështje kohe. Autonomia brina nuk ka”, ka thënë Ahmeti.

Në anën tjetër, deputeti dhe Sekretari i Përgjithshëm i Aleancës për Ardhmërinë e Kosovës, Burim Ramadani i ka thënë Radios Evropa e Lirë se do të kërkohet fillimisht transparencë nga qeveria si në lidhje me fondin, ashtu edhe për vazhdimin e dialogut me Serbinë.

Por, Ramadani nuk mendon se krijimi i këtij fondi ka cenuar karakterin unitar të buxhetit të Kosovës.

Ky lloj arnazhmani i përkohshëm është në kuadër të Kushtetutës dhe ligjeve të Kosovës. E ruan veriun e Kosovës, e ruan mundësinë dhe fuqizon mundësinë e integrimit të serbëve të veriut të Kosovës në sistemin politik të Kosovës dhe si i tillë nuk paraqet rrezik për formën unitare që e ka shteti i Kosovës”, tha Ramadani.

Ndryshe, Qeveria e Kosovës ka prezantuar marrëveshjen e fundit në Bruksel si një të arritur.

Zëvendëskryeministrja Edita Tahiri pati deklaruar se fondi është i përkohshëm dhe se ai do të mbushet nga të hyrat doganore në portat kufitare një dhe 31 në veri dhe se ato mjete do të derdhen në buxhetin e Kosovës.

Më pas, një komision i përbashkët i qeverisë, serbëve lokal dhe përfaqësuesi i BE-së do të menaxhojnë këtë fond, ka thënë Tahiri, duke nënvizuar se mjetet do të përdoren vetëm për projekte zhvillimore të komunave në veri të Kosovës.

Zijadin Gashi

zijadin.gashi+gmail.com

Zijadin Gashi, i lindur më 01 janar 1973 në Prishtinë. Me gazetari ka filluar të merret që nga viti 1997. Si korrespondent i Radios Evropa e Lirë punon që nga maji i vitit 2001.
Twitter
Ky forum është mbyllur
Radhitja e komenteve
Komentet
     
Nga : MANI,USA. Prej : OAKLAND,NEW JERCEY,USA.
30.01.2013 06:22
NA ISHTE SEC NA ISHTE NJE POPULL-KOMB NDER ME I VU-AJTURI;PORSE,ME TRIMI E ME BUJARI;QE QENDROI DHE LUFTOI ME SHEKUJ;E ARRITI TA RUAJE ATDHEUN SI DHE
TROJET;ATO VISE ME TE PASURA TE ASAJ PJESE TE EU-ROPES,KJO SHTRIGA PLAKE; DUKE U NDIHMUAR CA AR-
DHACAKEVE SERBEZO-JEVXHO-GABELE;NA OKUPUAN MBI
80% TE 100%;SHQIPTARE-NGA KRYKRIMINELE KANIBALE
ME PLAN-PROGRAM ME FASHIZOID VAZHDUAR EDHE NE
DITET E SOTME;SI NGA LINDJA EDHE NGA VERIU;JUGU
E PERENDIMI;NE TE KATER ANET;EDHE PSE,PER TA SHP-ETUAR KETE POPULL NGA CFAROSJA;NDIHMUAN SHBA
E NATO;PORSE,EDHE PAS 13 VJET KISHE LIRI E 5 VJET PA-
VARESI TE FRUSTRUAR;TANI DUKE I SHTYER ME DHUNE
NE DIALOG PA KUSHTE;DUKE UA FALUR MASAKRAT;VA-RRET MASIVE;TERRORIZMAT-HOLLKAUSTET SHEKULL-
ORE;DUKE ASGJASUAR KUFIRIN SHTEROR;FLAMURIN E
SIMBOLET E HIMNIN KOMBTAR;DHE,DUKE NDERRUAR
TERE IDENTITETIN SHQIPTARE;NDARE E PERCARE GJA-
ASHTA MINISHTETE JOSHQIPTARE NGA TROJET E TYRE
MBARE SHQIPTARE;DUKE I GETOIZUAR RRETH E RRETH
ME KUFIRIN-MURE BERILINI SHQIPTARO-SHQIPTARE;SI DHE DUKE NDARE EDHE FONDIN E VECANTE PER NJE AU-TONOMI MBI AUTONOMI SUBSTANCIALE PA TE DREJTE TE BASHKIM;PAVARESI E UNITETIT SHQIPTARE;SI DHE,DUKE
ZYRTARIZUAR ASGJASIMIN E SHKATERRIMIN NGA KETO
BANDA TERRORISTE KANIBALE,QE PO RENKOJNE-GJE-
MOJNE EDHE BJESHKET E LARTA;MALET PLOTE LISA E PLISA;SE SI KETA TRADHETARE PISA;NA SHTYEN E NA
KTHYEN NEN THUNDERN E KESAJ BISHE TE TERBUAR
ME BAREBARE E ME GJAKAKATARE!!.TE FALA NJE REF-UGJAT LUFTE NGA SHQIPERIA NATYRALE ME IDEALE-USA.