E mërkurë, tetor 22, 2014 Kosova 06:47

Lajmet

Shtëpia e Bardhë: Obama ka besim te Allen

Zëdhënësi i Shtëpisë së Bardhë, Jay Carney Zëdhënësi i Shtëpisë së Bardhë, Jay Carney
x
Zëdhënësi i Shtëpisë së Bardhë, Jay Carney
Zëdhënësi i Shtëpisë së Bardhë, Jay Carney
Shtëpia e Bardhë njoftoi sot se presidenti Barack Obama beson se gjenerali John Allen duhet të vazhdojë t’i komandojë forcat amerikane në Afganistan, përderisa ky i fundit po hetohet për siç thuhet ”komunikim të papërshtatshëm” me një grua.

“Ai ka besim në gjeneralin Allen”, tha zëdhënësi i Shtëpisë së Bardhë, Jay Carney, duke shtuar se presidenti beson se Allen është duke e bërë një punë të mirë në Afganistan.

Carney e përsëriti thirrjen e Obamës që Senati duhet të lëvizë me shpejtësi më të madhe drejt konfirmimit të pasardhësit të Allen, gjeneralit Joseph Dunford.