E premte, maj 22, 2015 Kosova 22:37

Lajmet

Tiranë: Homazhe për dëshmorët e rënë

Pamje nga Tirana gjatë festimit të 100 vjetorit të shtetit shqiptar më 28 nëntor 2012Pamje nga Tirana gjatë festimit të 100 vjetorit të shtetit shqiptar më 28 nëntor 2012
x
Pamje nga Tirana gjatë festimit të 100 vjetorit të shtetit shqiptar më 28 nëntor 2012
Pamje nga Tirana gjatë festimit të 100 vjetorit të shtetit shqiptar më 28 nëntor 2012
Presidenti i Shqipërisë, Bujar Nishani, sot ka bërë homazhe në “Varrezat e Dëshmorëve”, me ç’rast ka vendosur kurorë lulesh në memorialin “Nëna Shqipëri”.

I pyetur nga gazetarët lidhur me mospajtimet politike për Ditën e Çlirimit, zoti Nishani theksoi se “çështjet e këndvështrimit të partive politike janë çështje të tyre” dhe shtoi se “Presidenti i Republikës respekton atë që Kuvendi i Shqipërisë e ka miratuar; 29 nëntori është miratuar nga Kuvendi i Shqipërisë si Dita e Çlirimit”.

Sipas tij, “sot Shqipëria dhe shqiptarët janë vend i lirë dhe komb i lirë dhe sot Shqipëria është aleate e NATO-s, e botës së madhe të perëndimit”, tha Nishani duke shtuar se “sot Shqipëria ecën e sigurt drejt integrimit në familjen evropiane dhe se kontributi i tyre nuk ka shkuar kot”.

Homazhe kanë bërë edhe lideri dhe deputetë të Partisë Socialiste në opozitë.

Lideri i PS-së, Edi Rama, tha se “kjo datë i qëndron pranë 28 nëntorit si vazhdim i një historie të shkruar nga njerëz që besuan në një ëndërr, e që për të sakrifikuan edhe jetën”.

Në këtë kuadër zoti Rama theksoi se “ne do ta rilindim Shqipërinë”.

Homazhe ka bërë edhe lideri i LSI-së, Ilir Meta, që ka kërkuar unitet politik për integrimin e Shqipërisë në Bashkimin Evropian.

Përzgjedhja Jonë

Për një vit, priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.