E dielë, maj 24, 2015 Kosova 13:12

Lajmet

OKB: Këshilli i Sigurimit e dënoi Korenë Veriore

Pamje nga punimet e Këshillit të Sigurimit të Kombeve të BashkuaraPamje nga punimet e Këshillit të Sigurimit të Kombeve të Bashkuara
x
Pamje nga punimet e Këshillit të Sigurimit të Kombeve të Bashkuara
Pamje nga punimet e Këshillit të Sigurimit të Kombeve të Bashkuara
Këshilli i Sigurimit i Kombeve të Bashkuara e ka dënuar lansimin e raketës nga ana e Koresë Veriore, disa orë pasi ky vend i izoluar e shkeli të drejtën ndërkombëtare dhe sanksionet e OKB-së, duke e lansuar atë që Pheniani thotë se është satelit meteorologjik në orbitë.

Duke folur pas takimit të Këshillit të Sigurimit të OKB-së, që ishte i karakterit të mbyllur, kryesuesi aktual, Mohammed Loulichk, ambasador i Marokut, u tha reporterëve se lansimi “ishte qartas shkelje e rezolutave të këshillit” dhe se Këshilli i Sigurimit do t’i vazhdoj konsultimet për “një përgjigjje përkatëse”.

Ambasadori francez, Gerard Araud, u tha gazetarëve jashtë Këshillit të Sigurimit, se ndonjë rezolutë mund të jetë hap i ardhshëm i Këshillit të Sigurimit të OKB-së.

Diplomatët u thanë gazetarëve, mbrëmë vonë, se Kina nuk do ta mbështeste ndonjë rezolutë.

Sekretari i përgjithshëm i Kombeve të Bashkuara, Ban Ki-moon, në një kumtesë të djeshme ka shprehur “keqardhje” për lëvizjen e fundit të Koresë Veriore, me të cilën shkilen sanksionet e Kombeve të Bashkuara.

Shtetet e Bashkuara, Koreja Jugore dhe Japonia, thonë se lansimi i raketës është provë në zhvillimin e teknologjisë bërthamore.

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.