E shtunë, maj 23, 2015 Kosova 03:12

Lajmet

Nikolliq: Nuk ka nevojë për zgjedhje të jashtëzakonshme në Serbi

Tomislav NikolliqTomislav Nikolliq
x
Tomislav Nikolliq
Tomislav Nikolliq
Presidenti i Serbisë Tomislav Nikolliq ka thënë se nuk ka arsye që të ketë zgjedhje të jashtëzakonshme parlamentare “pa pasur ndonjë jo-stabilitet të madh”, por se, “duhet që të koncentrohemi në shërimin e problemeve shtetërore”.

Nikolliq, ka thënë se është shumë e vështirë që të ndërrohet Kushtetuta e Serbisë dhe se duhet që të respektohet aktualja.

“ Unë nuk do kisha rekomanduar që, Serbia të shkoj në zgjedhje të reja, duke pasur parasysh se nuk ka ndonjë destabilitet të madh. Vetëm sa kanë fillur (qeveria) të punoj, vetëm sa kanë filluar ti krijojnë disa rezultate. Pse do të duhej që të shkojmë në zgjedhje – për të krijuar një koalicion të ri qeveritar? Për çfarë arsye? Nëse janë ata njerëz të cilët kuptojnë dhe dëshirojnë të punojnë, çfarë rëndësie ka se kë e ka ministër”, ka thënë Nikolliq në një intervistë për agjencinë serbe Beta.

Lidhur me raportet e mediave se zgjedhjet e mundshme të parakohshme do të mund të mbaheshin në vitin 2013, Nikolliq shtoi se kushdo që beson se zgjedhjet mund të fitojë më shumë vota se sa që ka aktualisht, duhet të mendojë edhe në atë se çfarë do të ndodhte në shtet për gjatë kohës kur do të mbahej procesi zgjedhor.

“Kushdo që dëshiron zgjedhje, duhet që së pari ta kuptoj që populli është lodhur nga to. Sa më shumë që të ketë zgjedhje, dalja e votuesve do të jetë më e vogël”, ka thënë presidenti serb.

Përzgjedhja Jonë

Për një vit, priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.