E dielë, maj 24, 2015 Kosova 10:52

Lajmet

Opozita siriane me 5 kandidat për kryeministër

Foto nga një mbledhje e Qeverisë së Sirisë në DamaskFoto nga një mbledhje e Qeverisë së Sirisë në Damask
x
Foto nga një mbledhje e Qeverisë së Sirisë në Damask
Foto nga një mbledhje e Qeverisë së Sirisë në Damask
Së paku pesë kandidatë janë në garë t’u bërë “kryeministër” i qeverisë së Sirisë sipas një plani të opozitës për të krijuar një qeveri me qëllim të administrimit të territoreve që kontrollohen nga rebelët, ka thënë të martën një anëtar i Këshillit Kombëtar Sirian.

Ky këshill, i cili është blloku kryesor brenda opozitës së Koalicionit Kombëtar,  ka vendosur të hënën t’i paraqesë tre emra për këtë post, ka thënë për AFP-së anëtari i saj, Samir Nashar. 

Emrat e propozuar janë ish-kreu i SNC-së (Këshillit Kombëtar Sirian), Burhan Ghalioun, kurse dy të tjerët janë Salim al-Moslet and Osama Kadi, po ashtu anëtarë të SNC-së.

“Janë duke u përfolur edhe emra tjerë që janë jashtë SNC-së”, duke përfshirë ish-kryeministrin sirian, Riad Hijab, i cili dezertoi verën e kaluar dhe Khaled Mustafa, ka thënë Nashar.

Kryeministri do të zgjedhet më 2 mars sipas votimit të fshehtë nga 64 anëtarët e Asamblesë së Përgjithshme të Këshillit Kombëtar Sirian.

Koalicioni ka marrë vendim të premtën të krijojë një qeveri për të qeverisur ato rajone të vendit që janë “çliruar” nga rebelët. Në prag të samitit të ardhshëm në Stamboll do të vendoset po ashtu për përbërjen e qeverisë së planifikuar.

Sipas zëdhënësit të Koalicionit, Walid al-Bunni, qeveria e re do të sjellë së bashku “teknokratët” me detyrën për të bërë furnizimin me rrymë e ujë, por edhe do të ketë përgjegjësi për infrastrukturën në çështje të tjera.

Vendimi vije pas gati dy vjet nga konflikti dhe pasi që rebelët kanë marrë nën kontroll një pjesë të territorit në veri dhe lindje të vendit.

Analistat kanë vlerësuar se kjo lëvizje do të ndihmojë opozitën në ekzil që të fitojë besueshmëri së bashku me sirianët që janë brenda vendit dhe do t’i shërbejë edhe bashkësisë ndërkombëtare.

Gjithashtu, ata vlerësojnë se formimi i qeverisë nga rebelët do të vendos një kontroll mbi grupet islamike të mirënjohuara atje që kanë fituar terren.

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.