Studimet e fundit të Organizatës Botërore të Shëndetësisë, flasin për shifra alarmante të shkaktarit të dytë të vdekjeve në botë - duhanpirjen.
Sipas OBSH-së, nga 5 infarkte, 4 shkaktohen nga pirja e duhanit, kurse çdo vit në botë vdesin rreth 5 milionë njerëz si pasojë e pirjes së duhanit. Një gjë të tillë e pohojnë edhe internistët kosovarë.
Internisti Avni Kryeziu pohon se në studimet e fundit, duhani njihet si shkaktar madhor i sëmundjeve.
“Duhani është shkaktari kryesor i shumë patologjive të sotme që njihen në mjekësi. Duhani, sa i përket sëmundjeve të zemrës, tash për tash është një shkaktar madhor. Andaj mund të themi se nga hulumtimet e fundit është vërtetuar se nga 5 infarkte, 4 shkaktohen nga duhani”, pohon Kryeziu.
Ndërsa, zyrtarë të Institutit Kombëtar të Shëndetit Publik, thonë se sipas hulumtimeve, rreth 500 mijë njerëz në vendin tonë e konsumojnë duhanin në mënyrë të rregullt.
Ndërkaq pulmologët kosovarë, thonë se pirja e duhanit shkakton edhe kancerin në mushkëri.
Mjeku Gazmend Zhuri bën të ditur se në Klinikën Pulmologjike në Qendrën Klinike Universitare të Kosovës, ku edhe punon, rreth 50 për qind e pacientëve që kanë kancer në mushkëri, është si pasojë e pirjes së duhanit.
“Në bazë të të dhënave statistikore në Kosovë, por edhe në botë, duhani është shkaktar i shumë sëmundjeve. Unë, si pulmolog, mund të them se kanceri i mushkërive shkaktohet nga duhanpirja, qoftë ajo pasive apo aktive. Ai është shkaktar edhe i sëmundjeve tjera si bronkiti, e që në Kosovë është shumë i përhapur. Kjo sëmundje vjen nga duhani, por edhe nga ambienti i ndotur”.
“Në bazë të statistikave në klinikën ku punoj, rreth 50 për qind e patologjive është si pasojë e duhanprijes - 95 për qind e pacientëve që pinë duhan , janë me kancer të mushkërive”, bën të ditur Zhuri.
Megjithatë, Kosova ka një Ligj anti-duhan, zbatimi i të cilit mbetet problematik. Edhe pse Ministria e Shëndetësisë ka marrë iniciativë për ndryshimin e ligjit që ai të ndalohet 100 për qind në hapësirat e mbyllura, ky ndryshim nuk është miratuar në Kuvendin e Kosovës.
Qendra për Zhvillim dhe Avokim në Kosovë( KADC), ka marrë pjesë në ndryshimin e Ligjit për duhanin.
Shkumbin Spahija, zyrtar në këtë organizatë, thotë se iniciativa për ndryshim ka ardhur si pasojë e moszbatimit të Ligjit për duhanin, në ndarjen e hapësirave prej 70 për qind pa duhan dhe 30 për qind ku lejohet pirja e duhanit.
“Kosova ka marrë iniciativë që ta ndryshojë Ligjin për duhanin, në mënyrë që ai të ndalohet 100 për qind në hapësirat e mbyllura , e jo 70 me 30 siç ka qenë. Deri tani ndryshimet në ligj janë në pajtueshmëri me udhëzimet që dalin nga Organizata Botërore e Shëndetësisë”.
“Ekspozimi ndaj tymit të duhanit rrit rrezikut ndaj shumë sëmundjeve, andaj edhe ka ardhur nevoja për ndryshim të ligjit, ku edhe ne kemi qenë pjesëmarrës”, thotë Spahija.
Në Kosovë, rreth 40 për qind e të rinjve në shkollë tymosin duhan. Kjo shifër vjen sipas hulumtimeve të bëra nga organizatat joqeveritare që merren me vetëdijesimin e të rinjve për pasojat e duhanit.
Sipas OBSH-së, nga 5 infarkte, 4 shkaktohen nga pirja e duhanit, kurse çdo vit në botë vdesin rreth 5 milionë njerëz si pasojë e pirjes së duhanit. Një gjë të tillë e pohojnë edhe internistët kosovarë.
Internisti Avni Kryeziu pohon se në studimet e fundit, duhani njihet si shkaktar madhor i sëmundjeve.
“Duhani është shkaktari kryesor i shumë patologjive të sotme që njihen në mjekësi. Duhani, sa i përket sëmundjeve të zemrës, tash për tash është një shkaktar madhor. Andaj mund të themi se nga hulumtimet e fundit është vërtetuar se nga 5 infarkte, 4 shkaktohen nga duhani”, pohon Kryeziu.
Ndërsa, zyrtarë të Institutit Kombëtar të Shëndetit Publik, thonë se sipas hulumtimeve, rreth 500 mijë njerëz në vendin tonë e konsumojnë duhanin në mënyrë të rregullt.
Ndërkaq pulmologët kosovarë, thonë se pirja e duhanit shkakton edhe kancerin në mushkëri.
Mjeku Gazmend Zhuri bën të ditur se në Klinikën Pulmologjike në Qendrën Klinike Universitare të Kosovës, ku edhe punon, rreth 50 për qind e pacientëve që kanë kancer në mushkëri, është si pasojë e pirjes së duhanit.
“Në bazë të të dhënave statistikore në Kosovë, por edhe në botë, duhani është shkaktar i shumë sëmundjeve. Unë, si pulmolog, mund të them se kanceri i mushkërive shkaktohet nga duhanpirja, qoftë ajo pasive apo aktive. Ai është shkaktar edhe i sëmundjeve tjera si bronkiti, e që në Kosovë është shumë i përhapur. Kjo sëmundje vjen nga duhani, por edhe nga ambienti i ndotur”.
“Në bazë të statistikave në klinikën ku punoj, rreth 50 për qind e patologjive është si pasojë e duhanprijes - 95 për qind e pacientëve që pinë duhan , janë me kancer të mushkërive”, bën të ditur Zhuri.
Megjithatë, Kosova ka një Ligj anti-duhan, zbatimi i të cilit mbetet problematik. Edhe pse Ministria e Shëndetësisë ka marrë iniciativë për ndryshimin e ligjit që ai të ndalohet 100 për qind në hapësirat e mbyllura, ky ndryshim nuk është miratuar në Kuvendin e Kosovës.
Qendra për Zhvillim dhe Avokim në Kosovë( KADC), ka marrë pjesë në ndryshimin e Ligjit për duhanin.
Shkumbin Spahija, zyrtar në këtë organizatë, thotë se iniciativa për ndryshim ka ardhur si pasojë e moszbatimit të Ligjit për duhanin, në ndarjen e hapësirave prej 70 për qind pa duhan dhe 30 për qind ku lejohet pirja e duhanit.
“Kosova ka marrë iniciativë që ta ndryshojë Ligjin për duhanin, në mënyrë që ai të ndalohet 100 për qind në hapësirat e mbyllura , e jo 70 me 30 siç ka qenë. Deri tani ndryshimet në ligj janë në pajtueshmëri me udhëzimet që dalin nga Organizata Botërore e Shëndetësisë”.
“Ekspozimi ndaj tymit të duhanit rrit rrezikut ndaj shumë sëmundjeve, andaj edhe ka ardhur nevoja për ndryshim të ligjit, ku edhe ne kemi qenë pjesëmarrës”, thotë Spahija.
Në Kosovë, rreth 40 për qind e të rinjve në shkollë tymosin duhan. Kjo shifër vjen sipas hulumtimeve të bëra nga organizatat joqeveritare që merren me vetëdijesimin e të rinjve për pasojat e duhanit.
