Rogozin viziton Beogradin

Zëvendëskryeministri i Rusisë, Dmitry Rogozin, ka qëndruar zyrtarisht në Beograd për të diskutuar rreth një marrëveshjeje të mundshme të armëve me Serbinë. Ai ia ka prezantuar kryeministrit serb, Aleksandar Vuçiq, një model të raketave ruse tokë-ajër, armatim të cilin, raportohet se Serbia është e interesuar ta blejë. Rogozin ka thënë se nëse Serbia do ta kishte një armatim të ngjashëm në vitin 1999, ajo do t’i kishte shmangur shkatërrimet më të mëdha nga fushata ajrore e NATO-s. Serbia është aleate e Rusisë dhe dëshiron të mbajë lidhje të forta me të, pavarësisht lëvizjeve drejt integrimit në Bashkimin Evropian.