Procesi i kthimit të pakicave në Kosovë dhe përmirësimi i raporteve midis bashkësive, ishin temë e takimit të kryeministrit të Kosovës, Bajram Rexhepi me shefin e Komisariatit të Lartë për Refugjatë, të Kombeve të Bashkuara (UNHCR) për Evropën Juglindore, Raymond Hall. Ai bëri të ditur se gjatë vizitës në Kosovë do të shohë nga afër raportet midis komuniteteve, "në mënyrë që njerëzit që duan të kthehen dhe të integrohen në Kosovë të kenë mundësi ta bëjnë një hap të tillë".
