Presidenti Hamid Karzai gjatë ceremonisë së betimit, 19 nëntor 2009.
Presidenti Hamid Karzai bëri betimin për mandatin e dytë pesëvjeçar si president i Afganistanit, në një ceremoni ku morën pjesë figura të shquara ndërkombëtare dhe afgane.
Ceremonia në Kabul filloi me lexime nga Kurani. Karzai dha betimin, pasi ai u lexua nga shefi i drejtësisë.
Sekretarja amerikane e Shtetit, Hillari Klinton, bashkë me ministrat e jashtëm të Britanisë, Francës dhe Turqisë morën pjesë në ceremoni. I pranishëm ishte gjithashtu edhe presidenti i Pakistanit, Asif Ali Zardari.
