Autoritetet në Vladikaukaz, kryeqytetin e Osetisë Veriore, shpallën sot ditë zie për viktimat e sulmit vetëvrasës, i cili la 18 të vdekur dhe më shumë se 100 të plagosur.
Sulmi i djeshëm vetëvrasës me automjet bombë në tregun në Vladikaukaz, në pjesën ruse të Kaukazit, ishte më vdekjeprurësi në Rusi pas sulmit në metronë e Moskës në muajin mars, kur vdiqën 40 njerëz.
Gjatë hetimeve, janë arrestuar tre persona të dyshuar, përfshirë pronarin e makinës.
