Kërcënimet bërthamore ruse riaktualizojnë strehimoret e Evropës

Jacek, 37 vjeç, duke mbyllur derën e një strehimoreje në bodrumin e një ndërtese banimi në Varshavë, Poloni, më 19 tetor.

Mes luftimeve në zonat përreth instalimeve të energjisë bërthamore të Ukrainës dhe kërcënimeve të nënkuptuara të Rusisë për përdorimin e armëve bërthamore, Polonia ka urdhëruar pasjisjen me inventar të strehimoreve të saj.

Salla kryesore në bunkerin e epokës komuniste në Podborsko, Poloni, që ishte projektuar për të vendosur armë bërthamore.

Lufta ka shkaktuar frikë në të gjithë Evropën, veçanërisht në vende si Polonia dhe Rumania, të cilat kufizohen me Ukrainën dhe do të ishin shumë të ekspozuara ndaj pasojave nga një sulm eventual bërthamor ndaj fqinjit të tyre.

Një strehimore e kohës së Luftës së Ftohtë nën fabrikën e çelikut "ArcelorMittal" në Varshavë, Poloni. Në Poloni ka rreth 62.000 strehimore ndaj sulmeve ajrore.

Këto çizme të vjetra ishin në të njëjtën strehimore. Varshava, gjithashtu, hartoi një plan për t'u shpërndarë stacioneve të zjarrfikësve lokalë tableta jodi, të cilat mund të përdoren për të ndihmuar në mbrojtjen e njerëzve nga rrezatimi. Nëse është e nevojshme, stacionet do t'i shpërndajnë ato te popullata.

Ewa Karpinska, një zëdhënëse e "ArcelorMittal", tregon një hartë nga epoka e Luftës së Ftohtë në strehimoren nën uzinë.

Pas kërcënimeve të fshehta të presidentit rus, Vladimir Putin, për gatishmërinë e tij për të pozicionuar armë bërthamore taktike kundër Ukrainës, "të gjithë janë të shqetësuar", tha Karpinska.

 

Pas një inspektimi nga zyrtarët, uzina "ArcelorMittal" tani është në listën e strehimoreve për banorët e Varshavës.

Udhëheqësit e Varshavës thanë se metroja e qytetit dhe strehimoret e tjera nëntokësore mund të strehojnë që të 1.8 milion banorët e tij dhe më shumë, në rast të një sulmi me armë konvencionale.

 

Derisa disa vende i mbajnë strehimoret e tyre për raste urgjente, disa të tjera i kanë shndërruar ato në muze. Punimet prej dyllit përshkruajnë jetën nën tokë në Muzeun e Bunkerit Bërthamor të Shkëmbit në Budapest, Hungari.

Me disa nga bunkerët e Budapestit që nuk përdoren më, zyrtarët thonë se mund të mbështeten në metronë e tij. Kreu i një sindikate transporti, Attila Gulyas, tha se "deri në 220.000 njerëz mund të mbrohen nga sistemi i strehimit në tunelet e linjave 2 dhe 3 të metrosë."
 

Një portret i Josip Broz Titos varet në "Komandën e Luftës Atomike" të tij nëntokësore në Konjic, Bosnje e Hercegovinë. Ekzistenca e kësaj strehimoreje gjatë epokës së Titos ishte e njohur vetëm për presidentin jugosllav, katër gjeneralë dhe një grusht ushtarësh që e ruanin atë.

E ndërtuar për t'i bërë ballë luftës bërthamore, strehimorja kushtoi 4.6 miliardë dollarë për t'u ndërtuar -- ekuivalenti me më shumë se 20 miliardë dollarë sot. Vendi Konjic tani është një galeri moderne arti.
 

"Mjedisi global tani për fat të keq është shumë i ngjashëm me atë që ishte (gjatë Luftës së Ftohtë), i ngarkuar nga një ndjenjë shumë e rëndë e një konflikti të afërt", tha Selma Haxhihuseinoviq, e cila përfaqëson një agjenci qeveritare që menaxhon vendin.
 

Hadzihuseinovic tha se bunkeri mund të kthehet në shërbim të një lufte të re, por me armët bërthamore që janë bërë shumë më të fuqishme, ai nuk do të ishte "aq i dobishëm sa ishte menduar të ishte kur u ndërtua".

Turistët të ulur në një varkë në një liqen nëntokësor në Salina Turda, një ish-minierë kripe që është kthyer në një atraksion turistik në Rumaninë qendrore. Tani është renditur nga autoritetet e e emergjencave si një strehë e mundshme e mbrojtjes civile.

Një pamje tjetër e minierës së kripës në Salina Turda.

Sorin Ionita, një komentator me Forumin e Ekspertëve në Bukuresht, Rumani, tha se shumë njerëz e konsiderojnë të pamundur një sulm bërthamor rus, pasi nuk do të "sillte ndonjë avantazh të madh ushtarak për rusët".