Dhjetëra miliona amerikanë po përballen me borë, ngricë dhe temperatura shumë të ulëta, pas paralajmërimeve për një stuhi dimërore që është shtrirë në një pjesë të mirë të Shteteve të Bashkuara. Ka raportime për të vdekur, mijëra fluturime janë anuluar dhe konsumatorët i kanë zbrazur dyqanet për të pasur furnizime disa ditë. Ka rajone ku shumë banorë kanë mbetur pa energji elektrike. (Përgatiti: Krenare Cubolli)
Dyqane bosh, ski nëpër rrugë: SHBA-ja nën stuhinë dimërore
Një mirëmbajtës rrugësh duke hequr borën nga Bruklini i Nju Jorkut.
Zemra e Nju Jorkut dukej kështu më 25 janar 2026.
Raportohet se mbi 11 mijë fluturime janë anuluar prej kur ka nisur stuhia pak ditë më parë. Pamje nga aeroporti LaGuardia i Nju Jorkut.
Disa prej fluturimeve të anuluara vetëm më 25 janar nga aeroporti LaGuardia i Nju Jorkut.
Shumica e dyqaneve morën këtë pamje. Amerikanët u furnizuan me nxitim, nga frika se situata mund të përkeqësohet.
Bora e madhe i la pa punë edhe shitësit ambulantorë.
Për dikë tjetër vetëm një palë ski kryenin punë për të dalë në rrugët e Nju Jorkut.
Situatë e pazakonshme u pa edhe brenda metrove të Nju Jorkut.
Hapësira te Ura e Bruklinit në Nju Jork, që zakonisht është e mbushur me banorë dhe turistë.
Situatë e ngjashme ishte edhe në Memfis, Tenesi.
Pak qarkullim u pa edhe në stacionin kryesor hekurudhor të Uashingtonit.
Dikujt, sikurse kësaj gruaje në Teksas, jeta mund t'i jetë vështirësuar nga bora...
Por, definitivisht jo fëmijëve. Ata janë parë duke e shijuar në maksimum borën në çdo qytet të zbardhur të SHBA-së.