Të paktën pesë persona janë vrarë dhe dhjetëra të tjerë janë plagosur gjatë të shtënave në sheshin kryesor të Krakovës, thanë autoritetet në Poloni.
“I dyshuari është qëlluar nga policia dhe aktualisht po dërgohet në spital”, tha policia polake në një njoftim në X.
Sipas autoriteteve, rreth orës 15:00, një burrë që po kalonte afër sheshit, nisi të qëllonte drejt njerëzve nga makina e tij.
Në mesin e të plagosurve ka edhe policë, teksa në vendin dolën ekipet e emergjencës.
Një helikopter mjekësor në qendër të Krakovës pas të shtënave.
Kryeministri i Polonisë, Donald Tusk, tha se po informohet nga ministri i Brendshëm i vendit për të shtënat, të cilat i cilësoi si “tragjike”.
Ai shtoi se autoritetet po hetojnë “të gjitha aspektet dhe rrethanat e sulmit” që ndodhi në qytetin e dytë më të madh të Polonisë.
Ndërkaq, presidenti i Polonisë, Karol Nawrocki, tha se është “thellësisht i shqetësuar” lidhur me ngjarjet e tmerrshme në Krakovë.
Nawrocki tha se pret një “shpjegim të plotë të rrethanave që kësaj ngjarjeje tragjike”.
“Shefi i Byrosë së Sigurisë Kombëtare është rrugës për në Krakovë. Siguria e polakëve është prioriteti ynë absolut”, shkroi ai në rrjetet sociale.
Autoritetet në Poloni ende nuk kanë njoftuar lidhur me motivet e mundshme të këtij sulmi.