Jeremiç: Serbia kurrë nuk do të njohë Kosovën

Ministri i Jashtëm i Serbisë Vuk Jeremiç tha se Serbia kurrë nuk do ta njohë Kosovën e pavarur.

"Qindra mijë serbë të Kosovës, romë, boshnjakë dhe të tjerë janë spastruar etnikisht, janë vrarë dhe mijëra janë zhdukur pa gjurmë", i tha Jeremiç Këshillit për të Drejtat e Njeriut të Kombeve të Bashkuara në Gjenevë.

"Ne do t'i përdorim të gjitha mjetet diplomatike dhe politike që kemi në dispozicion për të vështirësuar, penguar dhe përfundimisht për të kthyer prapë shpalljen e jashtëligjshme të njëanshme të pavarësisë së krahinës sonë jugore", është zotuar shefi i diplomacisë serbe, Vuk Jeremiç.