Irani nuk përjashton bisedimet me BE

Teherani e ka lënë të hapur mundësinë e bisedimeve për çështjet bërthamore me Bashkimin Evropian. Ministri i Jashtëm, Manoucher Mottaki, ka thënë se "ne ende jemi në favor të bisedimeve që do të kishin rezultate të prekshme dhe efektive".

Megjithatë, Teherani ka bërë të ditur se nuk do të suspendojë programin e pasurimit të uraniumit. Bashkimi Evropian dëshiron të japë nxitje ekonomike dhe teknike për Iranin, nëse Teherani heq dorë nga programet bërthamore.