Presidenti Bush viziton Ukrainën

Presidenti amerikan, George Bush pritet që gjatë ditës së sotme të arrijë në Kiev, në një vizitë dyditëshe në Ukrainë.

Gjatë bisedave me liderët e këtij vendi, presidenti Bush pritet të shprehë mbështetje për synimet e Ukrainës për tu integruar në NATO.

Kjo lëvizje kundërshtohet nga Rusia dhe, sipas hulumtimeve të fundit të opinionit, edhe nga shumica e rusëve etnikë që jetojnë në lindje dhe në jug të Ukrainës. Pas vizitës në Ukrainë, presidenti Bush shkon në Bukuresht, për të marrë pjesë në samitin e
NATO-s.

Pas Bukureshtit, Bush takohet në Rusi me presidentin Vladimir Putin. Ata pritet të diskutojnë për Kosovën, planet amerikane për sistemin mbrojtës raketorë dhe zgjerimin e NATO-s.