Kinë: Tërmet i ri në Sichuan

Një dridhje e fuqishme ka tronditur sot pjesën jugperëndimore të Kinës, duke shkaktuar vdekjen e një njeriu dhe plagosjen e rreth 400 të tjerëve.

Dridhja ndodhi afro dy javë pas tërmetit të fuqishëm, në të cilin e humbën jetën dhjetëra mijëra njerëz.

Mediat shtetërore raportuan se rreth 70 mijë shtëpi u rrënuan nga tërmeti i sotëm me fuqi 5.8 shkallë të Rihterit në Qingchuan të provincës Sichuan.

Në Pekin, zëdhënësi i qeverisë tha se bilanci i të vdekurve nga tërmeti i 12 majit është 62.664 persona, ndërsa mbi 23 mijë konsiderohen të zhdukur.