Riad: Rritje e tepruar e çmimit të naftës

Arabia Saudite do kërkojë mbajtjen së shpejti të një takimi mes vendeve prodhuese dhe konsumuese të karburanteve për të diskutuar "rritjen e paarsyeshme të çmimit të naftës".

Çmimi i naftës për një fuçi në fund të javës së kaluar arriti 139 dollarë.

Vendet e OPEC-ut fajësojnë spekullimet në tregun financiar si dhe tensione tpolitike në Lindjen e Mesme për rritjen e çmimeve.

Arabia Saudite është prodhuesi më i madh i OPEC-ut dhe i vetmi anëtar i kësaj organizate që ka kapacitete të pashfrytëzuara që do rrisnin shpejt dhe dukshëm prodhimin e naftës.