Beograd: Gjyqi në Serbi refuzoi kërkesën kundër ekstradimit në Hagë

Një gjyq në Serbi ka refuzuar kërkesën e serbit të Bosnjës, Stojan Zhuplanin, i dyshuar për krime të luftës, që të mos i dorëzohet Gjykatës së Hagës.

Një zëdhënës i gjykatës së Serbisë për krime të luftës tha se vendimi final për ta ekstraduar apo jo të dyshuarin Zhuplanin në Hagë, i mbetet qeverisë së Serbisë.

Ish polici i lartë serb i Bosnjës, Zhuplanin, është i akuzuar për krime të luftës lidhur me mbikëqyrjen e burgut, që udhëhiqej nga serbët, e ku ishin vrarë mijëra myslimanë dhe kroatë gjatë luftës në Bosnjë gjatë viteve 1992 – 1995.

Ai është arrestuar gjatë javës së kaluar në Serbi, pasi ishte fshehur për nëntë vite.