Presidenti amerikan, George Bush, i premtoi presidentit Fatmir Sejdiu dhe kryeministrit Hashim Thaçi se ai do të përpiqet të bindë më shumë shtete që ta pranojnë pavarësinë e Kosovës.
"Premtova se Shtetet e Bashkuara do të vazhdojnë të punojnë me ato shtete që nuk e kanë pranuar pavarësinë e Kosovës, për t'i bindur që këtë ta bëjnë sa më shpejt që të jetë e mundur", tha presidenti Bush dhe shtoi se "unë jam mbështetës i fuqishëm i pavarësisë së Kosovës dhe jam kundër çfarëdo ndarjeje të Kosovës".
Më tutje, presidenti Bush u tha presidentit Sejdiu dhe kryeministrit Thaçi se "e çmon kurajën dhe lidershipin e tyre dhe se Shtetet e Bashkuara do të ndihmojnë që ju t'i realizoni ëndrrat".
Presidenti amerikan më tutje tha se Shtetet e Bashkuara mbështesin aspiratat e Kosovës dhe të Serbisë për integrim në strukturat euroatlantike.
Presidenti Fatmir Sejdiu pas këtij takimi ka thënë se "populli i Kosovës po e ndjek rrugën e parimeve të demokracisë dhe të lirisë".
"I garantojmë presidentit Bush se do të vazhdojmë në këtë rrugë", tha Sejdiu, për të shtuar se "Kosova do të jetë vend i demokracisë, vend i të gjithë qytetarëve të saj".
"Do të ketë respekt të veçantë për minoritete. Ne jemi shumë të interesuar që të kemi marrëdhënie të mira me Republikën e Serbisë", tha presidenti Sejdiu.
Kryeministri i Kosovës, Hashim Thaçi, i falënderoi Shtetet e Bashkuara për mbështetjen e pavarësisë së Kosovës, duke e vlerësuar atë si "rrëfim të përbashkët të suksesshëm".
"Takimi me presidentin Bush jo vetëm që e theksoi faktin se ne jemi ngushtë të lidhur me Shtetet e Bashkuara, por ne përgjithmonë do të jemi mik i tyre i besueshëm", tha Thaçi.
"Premtova se Shtetet e Bashkuara do të vazhdojnë të punojnë me ato shtete që nuk e kanë pranuar pavarësinë e Kosovës, për t'i bindur që këtë ta bëjnë sa më shpejt që të jetë e mundur", tha presidenti Bush dhe shtoi se "unë jam mbështetës i fuqishëm i pavarësisë së Kosovës dhe jam kundër çfarëdo ndarjeje të Kosovës".
Më tutje, presidenti Bush u tha presidentit Sejdiu dhe kryeministrit Thaçi se "e çmon kurajën dhe lidershipin e tyre dhe se Shtetet e Bashkuara do të ndihmojnë që ju t'i realizoni ëndrrat".
Presidenti amerikan më tutje tha se Shtetet e Bashkuara mbështesin aspiratat e Kosovës dhe të Serbisë për integrim në strukturat euroatlantike.
Presidenti Fatmir Sejdiu pas këtij takimi ka thënë se "populli i Kosovës po e ndjek rrugën e parimeve të demokracisë dhe të lirisë".
"I garantojmë presidentit Bush se do të vazhdojmë në këtë rrugë", tha Sejdiu, për të shtuar se "Kosova do të jetë vend i demokracisë, vend i të gjithë qytetarëve të saj".
"Do të ketë respekt të veçantë për minoritete. Ne jemi shumë të interesuar që të kemi marrëdhënie të mira me Republikën e Serbisë", tha presidenti Sejdiu.
Kryeministri i Kosovës, Hashim Thaçi, i falënderoi Shtetet e Bashkuara për mbështetjen e pavarësisë së Kosovës, duke e vlerësuar atë si "rrëfim të përbashkët të suksesshëm".
"Takimi me presidentin Bush jo vetëm që e theksoi faktin se ne jemi ngushtë të lidhur me Shtetet e Bashkuara, por ne përgjithmonë do të jemi mik i tyre i besueshëm", tha Thaçi.