Hyseni do marrë pjesë në seancën e KS

Ministri i Jashtëm i Kosovës Skender Hyseni udhëtoi për në Nju Jork ku do të marrë pjesë në seancën e Këshillit të Sigurimit, më 25 korrik, njoftoi kabineti i tij.

"Gjatë qëndrimit në selinë e OKB-së, ministri Hyseni do të zhvillojë një varg takimesh me përfaqësues të vendeve të ndryshme të botës" tha Ministria e Punëve të Jashtme e Kosovës.

Ai udhëtoi për në Nju Jork, pas qëndrimit në Uashington ku liderët e Kosovës u takuan me presidentin amerikan George Bush dhe Sekretaren amerikane të Shtetit Condoleezza Rice.