Roksana Saberi gazetare iraniano – amerikane që kaloi 4 muaj në burgjet e Iranit, është kthyer në Shtetet e Bashkuara. <br />Gazetarëve të pranishëm ajo u tha se ndihej “shumë mirë”. Ajo ka falenderuar presidentin e SHBA-ve Barak Obamën, sekretaren e shtetit Hilari Klinton, grupet për të drejtat e njeriut dhe gazetarët për mbështetjen gjatë kohës sa ishte e burgosur.<br />"Një gjë që më ka mbajtur, për sa kohë isha në burg, ishte këndimi i hymnit amerikan për vetvete. Jam e lumtur që jam kthyer në tokën e lirisë", ka thënë Roksana Saberi. <br />
