Shtetet e Bashkuara i kanë ngrirë asetet e dy entiteteve të Koresë së Veriut, të cilat besohet se janë të përfshira në programet bërthamore dhe raketore.
Byroja e Përgjithshme e Energjisë Bërthamore, e cila e mbikqyr programin bërthamor verikorean, dhe kompania Korea Tangun Trading Corp. e cila besohet se e mbështet programin raketor, u vunë në shënjestër në bazë të urdhërit ekzekutiv presidencial.
Urdhëri i lejon Shtëpinë e Bardhë që t’i ngrijë asetet amerikane të njerëzve apo entiteteve që dyshohen se po zhvillojnë armë të shkatërrimit në masë.
