I cilësuar si një nga futbollistët më të mëdhenj, në mos më i madhi, Lionel Andres Messi, nga Argjentina, me stilin dhe aftësitë e tij ka bërë që shumëkush ta krahasojë me legjendat e futbollit, siç ishin Pele, Krojf, Maradona…
Messi është lindur më 24 qershor 1987, në Argjentinë. Me futboll ka filluar të merret që në moshë të re dhe potenciali i tij është identifikuar nga ekipi i Barcelonës, për të cilin edhe luan.
Gjithashtu është edhe pjesëtar i kombëtares së Argjentinës. Në ndeshjen kundër Arsenalit, në kuadër të Ligës së Kampionëve, Barcelona fitoi 4 – 1 dhe të gjitha golat u shënuan pikërisht nga Messi.
Pas lojës, trajneri i Arsenalit, Arsene Wenger, tha se “nuk njeh shumë lojtarë në botë që mund të shënojnë gola të këtilla”.
“Ishte sikur të luaja në Sony Playstation”, është përgjigjur Messi.