Zyrtarë afganë dhe të NATO-s thanë se disa luftëtarë talibanë janë vrarë, gjatë sulmit të tyre kundër një baze ajrore të aleancës, në pjesën lindore të Afganistanit. Zyrtarët lokalë thanë se së paku një sulmues vetëvrasës ka aktivizuar një makinë bombë afër bazës. NATO-ja kumtoi se forcat e kombinuara afgane dhe ndërkombëtare iu përgjigjën sulmit. Sipas NATO-s, “disa kryengritës u vranë”.
