Bronisllav Komorovski ka premtuar se do të punojë në qetësimin e marrëdhënieve politike në vend.
“Dallimet janë pjesë e pandashme e demokracisë, por duhet të sigurohemi se ato nuk e pengojnë bashkëpunimin”, tha Komorovski, fituesi i zgjedhjeve presidenciale në Poloni. Aktualisht ai është ushtrues i detyrës së presidentit dhe ishte kandidat i koalicionit qeverisës.
Rezultatet finale zyrtare të raundit të dytë të zgjedhjeve presidenciale në Poloni, treguan se Bronislav Komorovski ka fituar 53,01 për qind të votave, ndërsa rivali i tij, Jarosllav Kaçinksi, 46,99 për qind. Kaçinski e pranoi humbjen në garën për president të Polonisë.
Zgjedhjet në Poloni u zhvilluan pas vdekjes së presidentit në një aksident ajror në Rusi, në muajin prill. Rreth 90 zyrtarë të tjerë polakë humbën jetën në të njëjtin aksident.
