Tërmeti me magnitudë 7.1 që ka goditur pjesën lindore të Turqisë më 23 tetor, ka lënë qindra persona të vdekur dhe mijëra ndërtesa të shkatërruara. Fotografi i Radios Evropa e Lirë, Abas Atilaj, ka udhëtuar drejt qytetit Van, i cili ka qenë njëri prej vendeve më të prekura nga tërmeti. Gjatë kohës sa ishte atje, ai dokumentoi përpjekjet e furishme për shpëtim, si dhe imazhet e banorëve lokalë, të cilët kanë nisur rindërtimin e jetës së tyre. (v.t.)
