Zëvendës ndihmës-sekretari amerikan i Shtetit, Filip Riker ka zhvilluar të hënën një takim pune me kryeministrin e Kosovës Hashim Thaçi.
Takimi është zhvilluar nën dyer të mbyllura dhe është realizuar në kuadër të një vizite dyditëshe që Riker po i bën Kosovës.
Në një komunikate me shkrim nga Zyra e Kryeministrit të Kosovës Hashim Thaçi thuhet se ai e kishte njoftuar diplomatin amerikan Riker për zhvillimet kryesore në Kosovë, me theks të veçantë për dialogun e bisedimeve teknike me Serbinë në Bruksel, pastaj për implemetimin e marrëveshjeve të arritura dhe për përmbushjen e parakushteve për hapjen e perspektivës euroatlantike.
“Në takim po ashtu u bisedua për thellimin bashkëpunimit rajonal të Kosovës, për vazhdimin e reformave dhe zhvillimin ekonomik”, thuhet në komunikatë.
Ndërkaq diplomati amerikan, sipas kësaj komunikate ritheksoi “mbështetjen e qeverisë amerikane për zhvillimin dhe afirmimin e mëtejmë të shtetit të Kosovës”.
Riker po ashtu ka zhvilluar një takim të ndarë edhe me koordinatoren e Kosovës në bisedimet me Serbinë, Edita Tahiri. Edhe ky takim është zhvilluar pa praninë e mediave.
Vizita e zotit Riker në Kosovë pason protestën e Lëvizjes Vetëvendosje të shtunën më 14 janar, në përpjekje për të bllokuar pikat kufitare me Serbinë, në frymë të, siç thuhej, mocionit të miratuar nga Kuvendi i Kosovës për reciprocitet të plotë me Serbinë në rrafshin ekonomik dhe politik.
Protesta përfundoi me më shumë se 140 arrestime dhe dhjetëra lëndime nga radhët e Policisë së Kosovës dhe protestuesve.
Ndryshe, kjo është hera e dytë që zoti Riker viziton Kosovën në cilësinë e zëvendës ndihmës sekretarit amerikan të shtetit.
Hera e parë ishte më 17 gusht të vitit të kaluar, pas operacionit të Qeverisë së Kosovës në veri të vendit, për të funksionalizuar pikat kufitare me Serbinë.
Atëbotë, zoti Riker u pati dhënë mbështetje autoriteteve qeveritare të Kosovës të vendosin sundimin e rendit dhe ligjit në veri, ndërkaq kishte përsëritur se kufijtë e Kosovës janë të paprekshëm dhe se nuk mund të ketë ndarje. (z.g.)
Takimi është zhvilluar nën dyer të mbyllura dhe është realizuar në kuadër të një vizite dyditëshe që Riker po i bën Kosovës.
Në një komunikate me shkrim nga Zyra e Kryeministrit të Kosovës Hashim Thaçi thuhet se ai e kishte njoftuar diplomatin amerikan Riker për zhvillimet kryesore në Kosovë, me theks të veçantë për dialogun e bisedimeve teknike me Serbinë në Bruksel, pastaj për implemetimin e marrëveshjeve të arritura dhe për përmbushjen e parakushteve për hapjen e perspektivës euroatlantike.
“Në takim po ashtu u bisedua për thellimin bashkëpunimit rajonal të Kosovës, për vazhdimin e reformave dhe zhvillimin ekonomik”, thuhet në komunikatë.
Ndërkaq diplomati amerikan, sipas kësaj komunikate ritheksoi “mbështetjen e qeverisë amerikane për zhvillimin dhe afirmimin e mëtejmë të shtetit të Kosovës”.
Riker po ashtu ka zhvilluar një takim të ndarë edhe me koordinatoren e Kosovës në bisedimet me Serbinë, Edita Tahiri. Edhe ky takim është zhvilluar pa praninë e mediave.
Vizita e zotit Riker në Kosovë pason protestën e Lëvizjes Vetëvendosje të shtunën më 14 janar, në përpjekje për të bllokuar pikat kufitare me Serbinë, në frymë të, siç thuhej, mocionit të miratuar nga Kuvendi i Kosovës për reciprocitet të plotë me Serbinë në rrafshin ekonomik dhe politik.
Protesta përfundoi me më shumë se 140 arrestime dhe dhjetëra lëndime nga radhët e Policisë së Kosovës dhe protestuesve.
Ndryshe, kjo është hera e dytë që zoti Riker viziton Kosovën në cilësinë e zëvendës ndihmës sekretarit amerikan të shtetit.
Hera e parë ishte më 17 gusht të vitit të kaluar, pas operacionit të Qeverisë së Kosovës në veri të vendit, për të funksionalizuar pikat kufitare me Serbinë.
Atëbotë, zoti Riker u pati dhënë mbështetje autoriteteve qeveritare të Kosovës të vendosin sundimin e rendit dhe ligjit në veri, ndërkaq kishte përsëritur se kufijtë e Kosovës janë të paprekshëm dhe se nuk mund të ketë ndarje. (z.g.)
