Shifra e të vdekurve nga nga zjarri që përfshiu një depo tregtare në Moskë është rritur në 17 dhe autoritetet thonë se shumica e viktimave dyshohet se janë punëtorë emigrantë nga ish- republikat sovjetike.
Nuk është përcaktuar menjëherë shkaku i zjarrit.
Po në Moskë, një zjarr tjetër ka shpërthyer në atë që pritet të jetë ndërtesa më e lartë në Evropë.
Mediat ruse raportojnë se helikopterët kanë hedhur ujë mbi katet e sipërme të Kullës Federale, e cila ende është në ndërtim e sipër dhe pritet të hapet në vitin 2013.
Nuk është raportuar për të lënduar.
Njoftohet se zjarri mund të jetë shkaktuar nga kontakti i një pëlhure me një projektor.
Kulla Federale gjendet në distriktin e ri të bizneseve në Moskë. Ajo parashihet të përbëhet nga disa ndërtesa.
Zjarri ka kapluar katin 93-të.(a.i.)