Në selinë e Bashkimit Evropian në Bruksel është konfirmuar të premten se kah mesi i muajit qershor, kur do të merret vendim për vazhdimin e mandatit të misionit të EULEX-it në Kosovë, do të miratohen edhe vendimet për zvogëlimin e këtij misioni.
Duke folur të premten me një grup gazetarësh në Bruksel, Hansjorg Haber, që është komandant për operacionet civile të Bashkimit Evropian, ka thënë se në të ardhmen misioni i EULEX-it në Kosovë do të jetë më i lehtë, më i vogël, por më fleksibil dhe më efikas.
Ai ka thënë se EULEX-i në të ardhmen do të përgatitet edhe për të dorëzuar disa fuqi ekzekutive, të cilat i ka, por, sipas tij, kjo nuk do të ndodhë brenda ditës.
Haber ka sqaruar se do të kalojë një kohë derisa të mos krijohen kushtet në terren që autoritetet e Kosovës t’i marrin të gjitha përgjegjësitë që sot i ka EULEX-i në disa fusha të caktuara.
Sipas Haberit, fokusi i EULEX-it do të jetë në të ardhmen më pak në komponentin policore, e më shumë në atë të gjyqësorit. Pra, ai ka thënë se fokusi do të jetë fusha e drejtësisë, e sidomos rastet e krimit të organizuar, korrupsionit në nivel të lartë dhe krimeve të luftës.
Haber ka theksuar se pret që kosovarët, në të ardhmen, misionin e EULEX-it ta shohin si rrugë drejt Bashkimit Evropian, dhe jo vetëm si mbikëqyrje të pavarësisë së Kosovës, duke marrë parasysh se përparimi i Kosovës në fushën e rendit dhe ligjit është një kusht edhe në procesin e përmbushjes së kritereve për integrimet evropiane.
Ai ka theksuar se do të vazhdohet bashkëpunimi me autoritetet e Kosovës në të gjitha fushat, ndërsa ka pranuar se problem mbetet çështja e veriut, mirëpo duke thënë se EULEX-i këtu nuk mund të bëjë më shumë në situatën aktuale politike.
Burimet në BE ka në pohuar se EULEX-i nuk do t’i dorëzojë të gjitha fuqitë ekzekutive, derisa të mos zgjidhet politikisht edhe çështja e veriut.
Në Bruksel është hedhur poshtë që EULEX-i të përfundojë para se autoritetet e Kosovës të mos kenë mundësi që të kontrollojnë tërë territorin e Kosovës dhe që ketë vetëm një sistem unik të gjyqësorit dhe të Policisë së Kosovës në tërë territorin e vendit.
Sipas burimeve të BE-së, zvogëlimi i EULEX-it do të jetë në masën diku 25- 30 për qind dhe maksimumi i pjesëtarëve ndërkombëtarë në këtë mision do të jetë 1200,ndërsa pjesa tjetër do të jetë nga stafi lokal në Kosovë.
Sipas të njëjtave burime, dorëzimi i fuqive ekzekutive nuk do të ndodhë në një afat më të shkurtër sesa dy vjet, por sa do të zgjasë nuk dihet.
Duke folur të premten me një grup gazetarësh në Bruksel, Hansjorg Haber, që është komandant për operacionet civile të Bashkimit Evropian, ka thënë se në të ardhmen misioni i EULEX-it në Kosovë do të jetë më i lehtë, më i vogël, por më fleksibil dhe më efikas.
Ai ka thënë se EULEX-i në të ardhmen do të përgatitet edhe për të dorëzuar disa fuqi ekzekutive, të cilat i ka, por, sipas tij, kjo nuk do të ndodhë brenda ditës.
Haber ka sqaruar se do të kalojë një kohë derisa të mos krijohen kushtet në terren që autoritetet e Kosovës t’i marrin të gjitha përgjegjësitë që sot i ka EULEX-i në disa fusha të caktuara.
Sipas Haberit, fokusi i EULEX-it do të jetë në të ardhmen më pak në komponentin policore, e më shumë në atë të gjyqësorit. Pra, ai ka thënë se fokusi do të jetë fusha e drejtësisë, e sidomos rastet e krimit të organizuar, korrupsionit në nivel të lartë dhe krimeve të luftës.
Haber ka theksuar se pret që kosovarët, në të ardhmen, misionin e EULEX-it ta shohin si rrugë drejt Bashkimit Evropian, dhe jo vetëm si mbikëqyrje të pavarësisë së Kosovës, duke marrë parasysh se përparimi i Kosovës në fushën e rendit dhe ligjit është një kusht edhe në procesin e përmbushjes së kritereve për integrimet evropiane.
Ai ka theksuar se do të vazhdohet bashkëpunimi me autoritetet e Kosovës në të gjitha fushat, ndërsa ka pranuar se problem mbetet çështja e veriut, mirëpo duke thënë se EULEX-i këtu nuk mund të bëjë më shumë në situatën aktuale politike.
Burimet në BE ka në pohuar se EULEX-i nuk do t’i dorëzojë të gjitha fuqitë ekzekutive, derisa të mos zgjidhet politikisht edhe çështja e veriut.
Në Bruksel është hedhur poshtë që EULEX-i të përfundojë para se autoritetet e Kosovës të mos kenë mundësi që të kontrollojnë tërë territorin e Kosovës dhe që ketë vetëm një sistem unik të gjyqësorit dhe të Policisë së Kosovës në tërë territorin e vendit.
Sipas burimeve të BE-së, zvogëlimi i EULEX-it do të jetë në masën diku 25- 30 për qind dhe maksimumi i pjesëtarëve ndërkombëtarë në këtë mision do të jetë 1200,ndërsa pjesa tjetër do të jetë nga stafi lokal në Kosovë.
Sipas të njëjtave burime, dorëzimi i fuqive ekzekutive nuk do të ndodhë në një afat më të shkurtër sesa dy vjet, por sa do të zgjasë nuk dihet.