Gjashtëdhjetë vjet në fron
Vetëm një monark në historinë mbi njëmijëvjeçare angleze ka mbretëruar më gjatë. Për shumicën e njerëzve të gjallë, nuk ka pasur shef tjetër shteti që nga 6 shkurti i vitit 1952.
Një nga pikat kryesore të katër ditëve të festimeve për 60-vjetorin në fron të Mbretëreshës Elizabeta II, u mbajt të dielën, kur rreth një mijë varka duke lundruar nëpër Londër, në lumin Thames, janë përcjellë nga një milion vetë përreth lumit.
Për mbretëreshën 86-vjeçare ishte rezervuar një anije mbretërore e stolisur me lule.
Festimet e jubileut të diamanttë të mbretëreshës filluan që të shtunën me mbretëreshën, që ndoqi një garë kuajsh në Derby Epsom.
Festimet zhvillohen, derisa një sondazh tregoi se 80 për qind e britanikëve mbështesin monarkinë.
Mbretëresha trashëgoi fronin më 6 shkurt të vitit 1952, pas vdekjes së të atit, Mbretit Xhorxhi VI dhe u kurorëzua po atë vit më 2 qershor. (a.i)
