Përmbytjet në Rusi
Autoritetet ruse raportojnë për më shumë se 140 viktima nga përmbytjet që shkaktuan shirat e rrëmbyeshëm që përfshinë Rusinë. Të reshura të shiut, sa bien mesatarisht për dy muaj, kanë rënë vetëm për disa orë në rajonin Krasnodar.
Presidenti rus Vlladimir Putin ka kërkuar të kontrollohen paralajmërimet për përmbytjet.
Putin ka folur pas vizitës në bregdetin e Detit të Zi, ku më shumë se 140 njerëz vdiqën nga vërshimet.
Putin ka urdhëruar hetuesit që të zbulojnë nëse autoritetet lokale u kishin dhënë banorëve paralajmërime të mjaftueshme për ndërmarrjen e masave të sigurisë.
Të reshura të shiut, sa bien mesatarisht për dy muaj, kanë rënë vetëm për disa orë në rajonin Krasnodar.
Agjencia shtetërore e rezervave të ujit ka hedhur poshtë pretendimet se shpërthimi i një rezervuari ka qenë përgjegjës për përmbytjet e rënda në Krymsk.
Zyrtarët thanë se porti i Detit të Zi, Novorosisk, i mbyllur nga përmbytjet, mund të hapet të dielën.(a.i.)
