Diplomatë të lartë të Bashkimit Evropian kanë inkurajuar liderët e Kosovës dhe Serbisë që të vazhdojnë me normalizimin e marrëdhënieve këtë javë, kur pritet të realizohet edhe takimi i dytë ndërmjet kryeministrit të Kosovës, Hashim Thaçi dhe atij të Serbisë, Ivica Daçiq, njofton agjencia e lajmeve, DPA.
“Catherine Ashton ka ftuar kryeministrin Daçiq dhe kryeministrin Thaçi në një takim në Bruksel të mërkurën”, thuhet në një komunikatë të lëshuar nga zyra e Ashton.
“Qëllimi i këtij takimi është vazhdimi i dialogut për normalizimin e marrëdhënieve ndërmjet të dyja palëve”, thuhet më tutje në komunikatë.
Thaçi dhe Daçiq u takuan në zyrën e Ashton në tetor për bisedimet e para të nivelit të lartë ndërmjet të dyja shteteve.
Negociatat pritet të vazhdojnë në nivel kryeministrash, ndërsa në agjendën e radhës pritet të diskutohet për shërbime dhe për telekomunikacion, raporton DPA. (v.k.)
“Catherine Ashton ka ftuar kryeministrin Daçiq dhe kryeministrin Thaçi në një takim në Bruksel të mërkurën”, thuhet në një komunikatë të lëshuar nga zyra e Ashton.
“Qëllimi i këtij takimi është vazhdimi i dialogut për normalizimin e marrëdhënieve ndërmjet të dyja palëve”, thuhet më tutje në komunikatë.
Thaçi dhe Daçiq u takuan në zyrën e Ashton në tetor për bisedimet e para të nivelit të lartë ndërmjet të dyja shteteve.
Negociatat pritet të vazhdojnë në nivel kryeministrash, ndërsa në agjendën e radhës pritet të diskutohet për shërbime dhe për telekomunikacion, raporton DPA. (v.k.)