Inflacioni prej 1.3 për qind deri në 5 për qind, sa ka qenë ndonjë herë në Kosovë, nuk arrin ta zhvlerësojë rritjen e pagave së fundi nga Qeveria e Kosovës për 25 për qind, vlerësojnë ekspertë të çështjeve ekonomike në Prishtinë. Megjithatë, ata thonë se rritja e pagave do të shkaktojë ngritje të çmimeve.
Ekspertët, thonë se rritja e pagave për 25 për qind për shërbyesit civilë, në sektorin publik, është dukshëm shumë herë më e madhe sesa inflacioni që është paraqitur në gjashtë vjetët e fundit.
Sipas tyre, inflacioni në Kosovë në vitet e fundit nuk e ka kaluar asnjëherë normën dyshifrore.
Inflacioni, sipas Agjencisë së Statistikave të Kosovës, në vitin e kaluar ka qenë jo më shumë se 1.3 për qind.
Profesori i ekonomisë, Naim Gashi, në një prononcim për Radion Evropa e Lirë, thotë se nuk mund të ngrihet një paralele ndërmjet rritjes së pagave dhe inflacionit, i cili është paraqitur në Kosovë gjatë viteve të fundit.
“Nëse e bëjmë krahasimin e rritjes së pagave me inflacionin, unë mendoj se rritja e pagave është dukshëm shumë herë më e madhe sesa inflacioni, për arsye se inflacioni në Kosovë, bashkuar në pesë-gjashtë vjetët e fundit, nuk e kalon shifrën dyshifrore, derisa rritja e pagave vetëm gjatë këtij viti është 25 për qind”, bën të ditur Gashi.
Edhe profesori i ekonomisë në Universitetin e Prishtinës, Berim Ramosaj, konsideron se rritja e pagave është në një shkallë më të lartë sesa niveli i inflacionit.
Megjithatë, sipas Ramosajt, kjo shkallë e rritjes së pagave do të shkaktojë rritje të inflacionit dhe ai shkaktar do të jetë krejt i natyrës artificiale i panevojshëm, e i pakontrolluar.
“Kjo rritje e pagave mund t’i inkurajojë bizneset me rritje të çmimeve. Kur e shohin që janë rritur pagat në përqindje të caktuar, kur rritet sasia e parave në qarkullim dhe ofertuesit tentojnë për aq sa munden, t’i rrisin çmimet. Andaj, rritja e çmimeve mund të shkaktojë rritje të inflacionit. Kryesisht në Kosovë inflacioni nuk rritet si rezultat i rritjes së sasisë së parave në qarkullim, por rritet më shumë nga pozitat monopoliste që kanë bizneset e ndryshme”, vlerëson Ramosaj.
Në Kosovë nuk ka pasur rritje të pagave që nga viti 2011. Qeveria e Kosovës në vitin 2011, kishte ngritur pagat për punonjësit e sektorit publik prej 30 deri në 50 për qind, vendim ky i cili në atë kohë ishte në kundërshtim me atë që kishte thënë Fondi Monetar Ndërkombëtar.
Eksperti i ekonomisë, Naim Gashi, vlerëson se me rritjen e pagave që është bërë gjatë viteve të fundit, Kosova qëndron afër vendeve të rajonit sa i përket pagave. Ai konsideron se kjo rritje e pagave është e bazuar në një zhvillim të brendshëm ekonomik, në zhvillimin dhe në rritjen e bruto - produktit vendor.
“Me vetë faktin që viteve të fundit kemi rritje të GDP-së dhe rritje të buxhetit të shtetit, atëherë kjo me automatizëm na mundëson që të kemi një rritje të pagave. Do të ishte paradoksale sikur të hyrat në buxhetin e Kosovës të ulen dhe ne t’i rrisim pagat në sektorin publik. Mirëpo, në Kosovë ka ndodhur e kundërta, do të thotë është rritur edhe buxheti edhe GDP-ja, por janë rritur edhe pagat”, thekson Gashi.
Ndryshe, që nga muaji prill i këtij viti, të gjithë shërbyesit civilë në sektorin publik në Kosovë, do të marrin pagat me rritje nga 25 deri në 50 për qind.
Ekspertët, thonë se rritja e pagave për 25 për qind për shërbyesit civilë, në sektorin publik, është dukshëm shumë herë më e madhe sesa inflacioni që është paraqitur në gjashtë vjetët e fundit.
Sipas tyre, inflacioni në Kosovë në vitet e fundit nuk e ka kaluar asnjëherë normën dyshifrore.
Inflacioni, sipas Agjencisë së Statistikave të Kosovës, në vitin e kaluar ka qenë jo më shumë se 1.3 për qind.
Profesori i ekonomisë, Naim Gashi, në një prononcim për Radion Evropa e Lirë, thotë se nuk mund të ngrihet një paralele ndërmjet rritjes së pagave dhe inflacionit, i cili është paraqitur në Kosovë gjatë viteve të fundit.
“Nëse e bëjmë krahasimin e rritjes së pagave me inflacionin, unë mendoj se rritja e pagave është dukshëm shumë herë më e madhe sesa inflacioni, për arsye se inflacioni në Kosovë, bashkuar në pesë-gjashtë vjetët e fundit, nuk e kalon shifrën dyshifrore, derisa rritja e pagave vetëm gjatë këtij viti është 25 për qind”, bën të ditur Gashi.
Edhe profesori i ekonomisë në Universitetin e Prishtinës, Berim Ramosaj, konsideron se rritja e pagave është në një shkallë më të lartë sesa niveli i inflacionit.
Megjithatë, sipas Ramosajt, kjo shkallë e rritjes së pagave do të shkaktojë rritje të inflacionit dhe ai shkaktar do të jetë krejt i natyrës artificiale i panevojshëm, e i pakontrolluar.
“Kjo rritje e pagave mund t’i inkurajojë bizneset me rritje të çmimeve. Kur e shohin që janë rritur pagat në përqindje të caktuar, kur rritet sasia e parave në qarkullim dhe ofertuesit tentojnë për aq sa munden, t’i rrisin çmimet. Andaj, rritja e çmimeve mund të shkaktojë rritje të inflacionit. Kryesisht në Kosovë inflacioni nuk rritet si rezultat i rritjes së sasisë së parave në qarkullim, por rritet më shumë nga pozitat monopoliste që kanë bizneset e ndryshme”, vlerëson Ramosaj.
Në Kosovë nuk ka pasur rritje të pagave që nga viti 2011. Qeveria e Kosovës në vitin 2011, kishte ngritur pagat për punonjësit e sektorit publik prej 30 deri në 50 për qind, vendim ky i cili në atë kohë ishte në kundërshtim me atë që kishte thënë Fondi Monetar Ndërkombëtar.
Eksperti i ekonomisë, Naim Gashi, vlerëson se me rritjen e pagave që është bërë gjatë viteve të fundit, Kosova qëndron afër vendeve të rajonit sa i përket pagave. Ai konsideron se kjo rritje e pagave është e bazuar në një zhvillim të brendshëm ekonomik, në zhvillimin dhe në rritjen e bruto - produktit vendor.
“Me vetë faktin që viteve të fundit kemi rritje të GDP-së dhe rritje të buxhetit të shtetit, atëherë kjo me automatizëm na mundëson që të kemi një rritje të pagave. Do të ishte paradoksale sikur të hyrat në buxhetin e Kosovës të ulen dhe ne t’i rrisim pagat në sektorin publik. Mirëpo, në Kosovë ka ndodhur e kundërta, do të thotë është rritur edhe buxheti edhe GDP-ja, por janë rritur edhe pagat”, thekson Gashi.
Ndryshe, që nga muaji prill i këtij viti, të gjithë shërbyesit civilë në sektorin publik në Kosovë, do të marrin pagat me rritje nga 25 deri në 50 për qind.
