Presidenti i futbollit botëror të njohur si FIFA, Sepp Blatter dhe udhëheqësi i futbollit evropian, Michell Platini, janë suspendohen sot për një afat tetë vjeçar nga të gjitha aktivitetet futbollistike.
Vendimi është marrë nga Komiteti Etik i FIFA-s në Gjenevë.
Dyshja e cila ka qenë edhe e gjobitur, në muajin tetor ishte suspenduar për 90 ditë në kuadër të një hetimi për keqpërdorimin e fondeve të FIFA-s.
Blatter tashmë është gjetur fajtor për pagesën e një shume prej dy milionë frangash zviceriane në drejtim të Platinit në vitin 2011.
Të dy burrat e kanë mohuar se kanë vepruar në kundërshtim me rregullat.
Për Blatterin, 79 vjeçar, ky suspendim është i gjatë dhe sigurisht shënon fundin e karierës së tij në futboll.
Pezullimi i Platinit ndërkaq, ia ka zbehur shpresat këtij të fundit për ta zëvendësuar Blatterin në krye të FIFA-s.
