Sportisti paralimpik i Afrikës Jugore, Oscar Pistorius, sot është dënuar me 6 vjet burg për vrasjen e dashnores, Reeva Steenkamp.
Ai është dërguar menjëherë në vuajtje të dënimit për vrasjen, që e ka kryer në vitin 2013, raporton agjencia Reuters nga Pretoria.
Prokuroria kishte kërkuar 15 vjet burg, që është minimumi i parashikuar për vrasje të tillë.
Duke e lexuar dënimin, gjyqtarja, Thokozile Masipa, tha se Pistorius është “hero i rënë”.
Ajo ka urdhëruar pushim në këtë proces, në mënyrë që prokurorët dhe mbrojtja të kenë kohë të mjaftueshme për të menduar nëse dëshirojnë ta apelojnë vendimin.
Oscar Pistorius, fitues i medaljes së artë në garat e atletikës në Olimpiadën Paralimpike të sportistëve me aftësi të kufizuara, kishte shtënë me armë në drejtim të një kthine në shtëpinë e tij, duke e vrarë dashnoren, Rita Steenkamp.
